Молитва о соблюдении телесного храма.
Господи, Вседержителю и Творче всех,
от земли создавый человека и показавый его по образу Божьему Твоему
для прославления Имени Твоего на земле.
Руце Твои сотвористе мя и закон Твой посреди чрева моего.
Соблюди мое тело и душу, ум же и мысли.
Покрый мя Твоим благоутробием.
Пригвозди страху Твоему плоти моя
и даждь ми тело нескверное, сердце чистое, ум бодр,
разум незаблудный, воздержание обдержательное,
Духа Святаго нашествие к стяжанию истины
во единородном Сыне Твоем Иисусе Христе. Аминь.
Кондак 11 акафиста Иисусу Сладчайшему.
Пение всеумильное приношу Ти, недостойный, вопию Ти яко хананея: Иисусе, помилуй мя; не дщерь бо но плоть имам, страстьми люте бесящуюся и яростию палимую, и исцеление даждь вопиющим Ти : Аллилуиа.
Иисусе, Сыне Божий, помилуй мя.
Иисусе, Сладчайший и тела моего Здравие
Имене Твоего ради живиши мя
и правдою Твоею изведеши от печали душу и тело мое:
возвеселится сердце мое и плоть моя процветет с надеждою,
и восхвалит каждое мое дыхание святое Имя Твое.
Тебе преклоню выю души и телесе,
Ты бо еси просвещение душ и телес наших.
Иисусе, храме предвечный, да приидет сила Твоя на мя грешного,
да укрепит храм мой Евангелием божественного учения Твоего:
Исправи, омый стопы мои и направи их к откровениям Твоим.
Пройди во уды моя, во вся составы, во утробу и в сердце.
Препоясуй мя силою и положи еси лук медян мышцы моя.
Иисусе, просвети моя чувствия, потемненная страстьми;
Иисусе, исцели мое тело острупленное грехми.
Иисусе, Сыне Божий, помилуй мя.
